مطروح و عبقرية المكان ....

مطروح وعبقريه المكان


تعتبر محافظة مطروح من أكبر محافظات الجمهورية من حيث المساحة وتقع فى الشمال الغربى بطول 450 كم حتى الحدود الليبية وتمتد جنوباً فى الصحراء بعمق 400 كم وتبلغ مساحتها الكلية 166563كم 2 وعدد سكانها 270088نسمة تقديرى فى1/1/2005

الموقع

تقع محافظة مطروح فى الركن الشمالى الغربى لجمهورية مصر العربية - تمتد من الكيلو ( 61 ) غرب محافظة الاسكندرية وحتى الحدود المصرية الليبية ( مدينة السلوم ) اى بطول 450 كم على ساحل البحر المتوسط وتمتد جنوباً بعمق حوالى 400 كم جنوب واحة سيوة ويحد المحافظة من الجهة الشرقية محافظتى الاسكندرية والبحيرة وجنوباً الجيزة والوادى الجديد . .
المساحة

تبلغ مساحة مطروح 166563 الف كم 2 أى حوالى 20% من مساحة مصر .
المساحة المأهولة

تشمل مساحة الكتلة السكنية والمتناثرات والمنافع والجبانات والبرك والأراضى البور والأراضى المنزرعة داخل وخارج الزمام .

ويمكن تقسيم المحافظة جغرافياً إلى خمس مناطق
أولاً :- المنطقة الساحلية

وهى عبارة عن سهل موازى لساحل البحر الأبيض المتوسط تقريباً ويتراوح إتساعه مابين 25 - 60 كم وتتكون تربة هذا السهل من رواسب حملتها سيول الأمطار المتدفقة
ثانياً :- الهضبة الليبية

وهى تحد السهل من ناحية الجنوب وهى عبارة عن سطح أخذ فى الأرتفاع التدريجى ويمتد غرباً حتى خليج سدره عند طرابلس بليبيا أخذاً فى الأرتفاع النسبى أحياناً والأنحدار النسبى أحياناً أخري
ثالثاً :- منخفض القطارة

ويبدأ من جنوب العلمين على مسافة 31 كم تقريباً وهو منخفض عظيم وممتد وهناك مشروع منخفض القطارة الذى يدرس إمكانية توليد الكهرباء عن طريق شق مجرى يوصل مياه البحر الابيض المتوسط بالمنخفض ولكن المشروع لم يتم حتى الأن بسبب مشكلة الألغام التى تعرقل العديد من مشروعات التنمية فى مطروح
رابعاً : - منطقة الواحات

تضم منطقة واحات سيوة وهى عبارة عن أرض منخفضة يبلغ منسوبها حوالى 17 متر من سطح البحر وبها مجموعة من عيون الماء التى تتدفق بإستمرار وتكفى لإستهلاك الأهالى بالإضافة إلى توفير المياه اللازمة لري الآف الأفدنة الصالحة للزراعة هناك وتقع منطقة سيوة فى الجنوب الغربى من المحافظة وتبعد عن مدينة مرسى مطروح بحوالى 300 كم جنوباً
خامساً :- منطقة غرود الرمال المتنقلة

وتبدأ من الجزء الجنوبى الغربى من المحافظة وتسمى أحياناً بحر الرمال العظيم وتربة المنطقة عبارة عن رمال ناعمة للغاية وغزيرة وممتدة لآلاف الكيلومترات

المكان العبقري ده محتاج "وش نضافة" ...
أينعم فيه 80 مليون لتر مكعب مياه جوفيه في الصحراء الغربية و 3 مليون فدان صالحين للزراعة فورا - بس برضه فيه 17 مليون لغم لازم يتشالوا الأول

http://www.sis.gov.eg/Ar/EgyptOnline/Economy/000006/0202000000000000005389.htm

http://www.sis.gov.eg/Ar/Politics/ForeignPolicy/InterIssues/bomb/041009040000000001.htm

ماهو فيه عشرات المحاولات و الافكار و المنح و الدعمو الاجهزة و الحاجات المقدمة من دول الحرب العالمية الثانية او غيرها لنزع الالغام و لكن أين التطبيق !

الجيش كان سخن سنة 1995 وشال فوق المليون لغم ... يعني إحنا لو ركزنا نقدر نشيلهم بمنتهى البساطة وفي زمن قياسي بس محتاجين شوية فلوس

المشكلة إن كل الدول دي مش مستفيدة من إزالة الألغام - عشان كده مازال إسمها "منح"

الفكرة هنا هيه إشراك الناس دي في ثمرات الموضوع ده عشان الموضوع يتحول عندهم لمشروع مش "صدقة" أو "سداد دين"

يأخى الرومان كانوا بيعتبروا مصر سلة غلال الإمبراطورية الرومانية كلها ...
أنا شايف إننا لو حنعطي حق إمتياز زراعة نسبة من الأرض اللي حيتم تطهيرها للدول اللي "حتطهرها" مع إعفاء جمركي على صادراتهم لمدة زمنية محددة حتكون فكرة مش بطالة
ماهو أكيد ألمانيا مش حتبعت فلاحين من عنها - أكيد حتشغل ولادنا ... يبقى شغلنا ولادنا وده في حد ذاته هدف عظيم - بدل مالشباب بيسافرو ا قبرص يشتغلوا فلاحين في مزارع البطاطس يطلعوا مطروح يشتغلوا في مزارع بطاطس أوروبية برضه

نفع وإستنفع - لا تتوقع إن حد حيطلع فلوس من جيبه وهوه راضي

ده بإختصار سبب إن الموضوع مجرد كلام بقاله 15 سنة دلوقتي !
عاوزين حد يطلب فلوس ومساعدات بمقابل مش بدون مقابل ...

المشكلة ان موضوع نفع و استنفع ده أصلا هو مبدأ حكومتنا - دعه يعمل دعه يمر -
و لكنك تفاجئني بأفكار لم ترد لهم على بال لأنهم يفكرون في مصادر أخرى للتمويل و بشكل اسهل مثل بيع الاصول و البنوك و مئات الاف الفدادين في توشكى و حتى ارض مطار امبابة ....

هل يمكن اقامة مثل هذه المشروعات بمبادرات مشتركة بين الشعوب وموافقة الحكومات ؟
أي ندعو نحن رجال الاعمال الالمان و الفرنسيين و الايطاليين و اليابانيين لازالة الالغام مقابل زراعة الارض كما اقترحت ؟ أم ان المشروع متوقف على انتظار تحرك الحكومة المصرية ؟

لا نستطيع دعوة أي حد للأسف ... لإن الأرض دي ملكية عامة فا يا تعمل توكيل من كل المصريين زي في فيلم "عايز حقي" يا تجيب المفوض الرسمي عن الشعب : "الحكومة" !

الفرق عن أيام سعد زغلول إنه فيه حاجة إسمها إعلام وقنوات إعلامية ... ده دورنا عشان "نصحصح" الحكومة معانا شوية