سؤال جذاب يخص الموضوع

أنا كان عندى اقتراح
اول حاجة عمل application على الfacebook و استطلاع الرأى بسؤال قوى و جذاب يخص الموضوع

اتتمنى المشاركة بالأمثلة للأشئلة المقترحة المطلوبة

الجزء الثانى من المشاركة
بعد الأشتراك فى الموقع

يتم تقييم على فترات منتظمة
لتقييم الأعضاء

لو اعتبرنا ان لكل عضو 5 نجوم

هيتقيم بعدد المشاركات الفعالة و ده تقييم من المشرفين
بالإضافة إلى تقييم الأعضاء لمواضيعه و اللى هتتحدد بعدد الردود على المواضيع

و ارجو الرد

حاجة كده زى loyal card

طب احنل فى انتظار الرد و السؤال الجذاب

اقتراحى للسؤال مثلا

ايهما تفضل ممر جديد او ممر قديم ؟

و لما يدخلوا يعرفوا معنى كل اختيار ايه رايكو؟

ممكن نربط طموح اللى هيتسأل بالموضوع

يعنى
ما مدى جودة المنتجات التى تريد الحصول عليها... فى مقابل ما مدى جودتك أنت كإنسان ؟؟؟؟

أنا بقترح إن السؤال يكون ليه علاقة بالحلم عموما
حلم مصر زى ما بنحلم ... مش عارفة شوفتوا الصورة دى والا لا
للأسف مش عندى دلوقتى بس هحاول اجيبهالكم إن شاء الله
الصورة فيها خريطة مصر دلوقتى و خريطة تانية لمصر برضه بس اكثر خضار و تعمير و تنمية

يعنى يا جماعة عايزين مصر احسن و بكرة احلى ؟؟
طيب تعالوا نحلم بكرة مصر هتبقى ازاي

و بعدين عرض المشروع كوسيلة لتحقيق الحلم ده
و ده معناه ان المشروع جزء من الحلم
و إنه بداية
و إن شاء الله يكون فى خطوات كتيرة بعده مش شرط إحنا نعملها ممكن الأجيال الجاية

يعنى المشروع مش هو الحلم ... الحلم أكبر يكتيييييييير ... و ان دى البداية بس

اقتراح آخر على غرار ما قيل " ممر جديد أو قديم ؟ "

كويس قوى الربط بين الواقع المحبط و الحلم اللى كله أمل

يعنى مثلا بدل ما الدنيا زحمة و حر و الناس مخنوقة و بيتخانقوا و فرص الشغل قليلة أو مش قد الطموح و هكذا

لحلم بمجتمع جديد فى أماكن هادية مش زحمة و ناس هادية و فرص شغل كتير بطموح بيكبر كل يوم

حاجة كده يعنى

عارفة انكم مش هتستغربوا الكلام ده

بس فى ناس تانية هتعتبر ده كلام كائنات فضائية

دورنا بقى اننا نقنعهم إن ده ممكن جدا إن شاء الله لو حطينا أدينا فى أيد بعض

و ربنا معانا

فكرة السؤال القوي الجذاب عبر الانترنت فكرة قوية للدعاية للمشروع .. و تعرف عدد كبير من الناس بالمشروع و الموقع
و لكن لكي يتحقق الهدف يجب - للأسف - أن يكون السؤال و الاختيارات و الاجابة بسيطة و مركزة حتى يمكن للجميع قرائتها " بسرعة " و ايضا امرارها بسرعة لآخرين ..
هذه ملاحظة عابرة حول الفكرة أما عن السؤال المقترح فاليكم الاقتراح التالي ...

إزاي تقدر تهرب من مصر ؟
الاجابات مثلا : تنط في البحر الابيض لأوروبا ؟ تنط في البحر الاحمر للخليج ؟ تعبر المحيط لأمريكا و كندا و استراليا ؟ جنوب افريقيا ؟ تساهم في بناء مصر جديدة قوية مزدهرة تبدأ اولى خطواتها بممر التنمية و التعمير ؟

دي فكرة بتضع تنفيذ المشروع مقابل فكرة السفر - احدى الحلول القوية امام الشباب -
الافكار الاخرى المتمردة على الواقع و التي تشعر الذي يقرأ انه لا يعمل ما يجب عليه عمله تكون محبطة اكثر
اعني .. انه لا يحتاج لمقارنة الواقع بأي حلم اخر هو يعلم انه لا يوجد أسواأ من الواقع ..
ينبغي ان تكون المقارنة بين حلول مختلفة
تعمل بالسياحة في شرم الشيخ او بالزراعة في توشكى ؟
و هكذا يمكن ان تثير الاسئلة مزيدا من التفكير حول حلول مقترحة ...
قيل لي انه لا يوجد لدينا اكثر من الحلول و لكنا نفتقد الالتزام بتنفيذها ..
و ان شاء الله نحقق التوازن المطلوب